Basic HTML Version
200
riječi
drama
drama
drama
drama
drama
drama
drama
Ivan Rožić
Moderno doba
satirični triptih
1. NESRETNA MAJKA
Slika iz obiteljskog života
JANA,
nesretna majka s mobitelom
LANA,
njezina kći s mobitelom
MIKA-MAJK,
njezin dečko s mobitelom
MAREK
s mobitelom izgubljena u publici
(Sa svake strane proscenija sjede MIKA i LANA i naizmjence
tipkaju po mobitelima. Na proscenij dolazi Jana ukucavajući
broj na mobitel.)
JANA:
(polako utipkava broj i stavi mobitel na uho. Nakon
kraćeg čekanja):
Halo, halo…, a gdo je tam?
(pauza)
Reči
prvo ti, ja sem prva pitala… Daj, ne mlati nek mi dej
Katu! … Kak je nema, kad sem ju malo predi videla na
dvorišču!... Majmun, poklopil je slušalicu!
(ponovno utipkava)
Halo! Halo! Kaj si pak ti, daj mi Katu!
(pauza)
… I ja tebe!
Bezobraznik jeden! Ali prepoznala sem ga ja po glasu, bu
me on čul! Kaj se on ima mene na moj mobitel javlati i na
mene se dreti? Kaj on misli, gdo je on?
(ponovno utipkava
broj i stavlja mobitel na uho. Nakon kraćeg čekanja)
Čuj ti,
bezobraznik jeden, kej buš ti mene klel, koda se ja tebe….
ovaj, falen Isus, gospon velečasni, oprostete, bila je zabu-
na, falen Isus, tak mi je nezgodno…Ne, ne, nisem to ja
na telefonu, ma kakvi, em nis ja takva, to je nektera druga
žena, ja ju ne poznam, najte niš zameriti, falen Isus!
(pritisne
gumb za isključenje)
Bog moj kaj sem sad pok zmlatila, a
gdo bi se bil nadejal da bude baš kapelan pri Kate!
(vrlo
oprezno ukucava)
Pak gde je pri vragu ta Kata, kaj se ona
ne javi, a znam da je doma jer sem ju taj čas čez obluk
videla vane na dvorišču, kokoši je nagajnala i ne vrak da
je več nekam odmantarugala!
(pauza)
Halo, prosim vas, a
koga sem dobila…
(pauza)
A to ste pak Vi, onaj prvi! A,
koga se vraga stalno ne mene lutite? Em nisem Vas zvala!
Kaj dižete slušalicu, kad Vas nigdo ne treba?
(stisne gumb
od mobitela. Obrati se Lani)
Lana, daj mi pomori…! Lana!
(izdere se)
Lana!
LANA
(vikne):
Kaj je? Kaj de dereš?
JANA:
Fala Bogu, čula je!
LANA:
Kaj tak vičeš, kaj ne vidite da se spominam?
JANA:
(razgleda se)
S kim se ti to spominaš?
LANA:
Z Majkom, kaj ne vidiš?
JANA:
Z majkum? S čijum majkum? Em sem ti ja majka!
LANA:
Ne z majkum, neg z Majkom! Majk, naš Mika, ž
nim se spominam prek tipkovnice. Njega zovemo Majk!
JANA:
Bog budi z nami! Mika je postal majka! Ej, jadna mu
majka!
LANA:
Daj ne frflaj nek mi reči, kaj si štela?
JANA:
(pruža joj mobitel)
Daj mi pozovi susedu Katu. Z
ovemi čuklavemi rukami nikak nemrem točno pogodi-
ti ove sitne tipke. Koja li je budala zmislila takve drobne
gumbeke na telefonu! Kak je negda bilo lepo, velike lukne i
samo vrtiš broje, a sad, pogleč,
(pokazuje mobitel)
očeš sti-
snuti jen broj, a z ovemi prsti stisnem četiri! Bože pomozi!
LANA:
Dej ju pozovi čez obluk, em ti je tu prek, doma!
Tak zijaš po celi dan, da te pol sela čuje! Kaj delaš tuliku
paradu s tem mobitelom?
JANA:
Niš te nisem pitala, nek ti velim da mi otipkaš Katin
broj!
LANA:
Koji je nejni broj?
JANA:
6225-6225
LANA:
Mamo, valda 6255-6255, zato ni nemreš Katu do-
biti!
(ukucava i dodaje joj mobitel)
JANA:
(malo pričeka)
Halo, gde si pri vragu Kato? .. A, ti si
Štefica! Daj mi svoju svekrvu, nju trebam!
(pauza)
Kaj se
pak i ta nejna sneja navek sekam natiče, gde ju treba i ne
treba?
(pauza)
Pak gde si ti, Kato, za ime Božje? Po celomu
te selu iščem, a tebe nigde nema!...
(pauza)
Kak veliš da si
doma, a ne javlaš se več pol vure. Si su mi se javili, tere ne
trebam, čak i kapelan, samo tebe nigde nema!
(pauza)
Kaj
bi se lutila, neg samo velim! Em znaš da te saki dan vutu