Basic HTML Version
18
riječi
temabroja
temabroja
temabroja
temabroja
Riča rečena
Riča je riča
Za bit rečena
Koko voti se misli što reč
Koko voti se govore sendza mislit
Do toko riči ke se reču
koko hi se ne artraju
Je ko misli čuda oš govore malo
Je ko ne misli nišče oš ima sve on za reč
Govor, rec ono ke verješ oš znaš
Čin čut tvoju riču !
(Rocco Giorgetta)
Kako biše lipo
Kako biše lipo kada
marela biše mblada,
kako biše lipo kada
letahu renule zgora grada,
kako biše lipo kada
tarela sidaše zdola hlada,
kako biše lipo kada
dica molahu Boga,
kako biše lipo kada
žene gredahu na vodo di je funda,
kako biše lipo kada
život ne biše jena šala,
kako biše lipo kada
još ne bihu dane do sada.
(Gianluca Miletti)
U Mundimitar (ovi lito)
Zdvizde padu zašto ne nadu
Pade na sime ma vre nadje drugi ime
Umbre na cvitje ma nikor ima pite
Zaspu one duše kano vitar ke ne puše
Saka stvara ima njegov vrime
Ma ovi lito je doša do zime
(Paolo Sammartino)